Աղջկաս՝ Մարիամիս
- Հազար տաղ էր տվել Աստված - հազար տաղիս՝ տաղը դու ես,
- Հազար խաղ էր տվել սիրած - սիրած խաղիս՝ խաղը դու ես,
- Հազար բաղ էր տվել ծաղկած - ծաղկած բաղիս բարը դու ես,
- Ես ու՞մ բացեմ սիրտս սիրող - սիրող սրտիս ճարը դու ես:
- Ասին արցունք ունեցողը - տեսնող աչքեր ունի, հոգիս,
- Տեսնող աչքեր ունեցողը - սիրող հոգի ունի, հոգիս,
- Սիրող հոգի ունեցողը - սիրող սիրած ունի, հոգիս,
- Ասեմ-չասեմ , իմը՛ , դուն իս - առանց քեզի չկամ, հոգիս:
- Թե բարձրանամ երկինքն ի վեր՝ կապույտ երազ պիտի փնտրեմ,
- Թե խավարի մեջ ընկղմվեմ՝ կարոտ արցունք պիտի փնտրեմ,
- Իսկ թե ճախրեմ լույսերի մեջ՝ թևերիս քեզ պիտի փնտրեմ
- Վերս ու վարըս դու ես, գոզալ՝ հոգուս խասը պիտի բերեմ...
- Ամեն կարոտ համբույրիդ մեջ, իմ սիրտն էլ կա - գիտե՞ս, գոզալ,
- Քո լույս արյան տաղերի մեջ՝ իմ խաղն էլ կա - գիտե՞ս, գոզալ,
- Քո մայրության կաթնաղբույրը՝ թոռիս սերն է - գիտե՞ս, գոզալ,
- Կամ թե չկամ քո մեջ եմ հար՝ պիտի խնդամ արցունքս լալ:
- Հնար լիներ տարածվեի ճամփի նման - գնաս բարով,
- Խորունկ վշտիդ շուլալվեի երգի նման - գնաս բարով,
- Անմահական ջուր բերեի սերիդ նման - գնաս բարով,
- ՈՒր էլ գնաս, ինձ տար անմար հույսի նման - գնաս բարով: