Հանգստացի՛ր

• Հանգստացի՛ր, ինչ անցել է, էլ, քոնը չէ և եկողն էլ դեռ քոնը չէ,
• Հանգստացի՛ր,
• Այս է քոնը, այս Մարմնի մեջ ապրող Հոգին, ասե՞մ, - կիսակրթված, -
• Չասե՞մ, - Հիմարացած հարվածների տակն այս խղճուկ թոհուբոհի, -


• Գոռա՞մ,- Կյանքի:
• Ի՞նչ ունենք մենք Կյանքի դիմաց, այս Անձը Չէ՞, Հանգստացի՛ր (նայի՛ր)՝
• Քեզանից դուրս Քեզ Տեսնող կա, ոչ թե նայող, նայի՛ր:
• Տեսա՞ր Եվ Հասկացա՞ր՝


• Քեզանից դուրս կա թռիչք Վեր՝ անվերջ Ճախրանք, Խոսուն Աստղեր:
• Աս տղերքն են Էն Աստղային՝ Աստ Տված ԱյինՆայի:
• Ոտքերիդ տակ կա Հող ու Ցած՝ վայր գնացող կենդանություն՝
• Էլ Լողացող, էլ սողացող, Էլ վայրենի, էլ ընտանի՝ Երկոտանի, Չորքոտանի, Տեսա՞ր՝


• Կատարյալ է՝ Դու չես ստեղծել, սակայն, Տիրոջ ծրագրով անուններ ես տվել:
• Քանի՞ լեզու ունես քո բերանում, որ պարծենաս:
• Լեզուները Խառնակողը, այո, ում լեզվով էլ խոսի՝ մեկ է՝
• Վերն Ու Ցածը Հասկանում են՝ հանգստացի՛ր,


• Քո Մարդկային Ճամփան անցիր Մարդավարի:
• Չափիր, ինչ որ աչքն է տեսնում՝ Կույր չես ծնվել,-
• Կույրը այն է տեսնում Ներսում, ինչ Տեսնողը չի էլ տեսնում, հանգստացի՛ր.
• Համտեսիր ինչ հաճելի է քիմքիդ, այո, Շոշափիր ինչ շոշափվում է


• Եվ հոտոտիր համանվագն այն Բույրերի, որ առանձին՝ Մենության մեջ
• Ունեն ուրիշ Բույր ու Հմայք՝,
• Ջոկ ու ջոկվող Բնույթ ուրույն՝ Իրպեսներից չես տարբերի.
• Կտարբերե՞ս, Երանի՜ քեզ, հանգստացի՛ր: