Քեզ

• Անցած տարիների միգամածի միջով,
• Տառապանքը կրկին գալարվում է խենթին
• Եվ խարխափող կարոտն իր հոգեդարձ կանչով,
• Շուլալում է հույսով ՝ իմ քրքրված հոգին:


• Բոլոր կորուստների խոցող ցավը թողած
• Ու ծածկելով վիշտս քողով ինքնաձաղկման՝
• Ես ուզում եմ երգել եվ այս դողը գրկած՝
• Գալ քեզ օրհներգելու ՝ արբած ՝ վերջին անգամ:


• Վերջից առաջ , Սեր իմ , խամրող վերջից առաջ,
• Երբ խոհերն են ճախրում կատարյալի ծիրում,
• Ծվատում է Ներսըս մի մահախում Հառաչ,
• Քանզի, վերջից առաջ կրկին՝ քեզ եմ սիրում:


• Գիտես, գիտես կարդալ տառերը բերկրանքի,
• Բառերը՝ Նվիրման եվ Ձայները մաղվող,
• Գիտես տրվել, Սեր իմ, տրվել՝ առանց Կրքի
• Եվ հեշտանքի հրից՝ կերպել Մեղքի կոթող:


• Ցավե՞մ, որ իմ Թերխաշ բառերով եմ հանգչում
• Ոգուդ մեջ ծավալուն և կարոտում Բեհեզ,
• Արդ, Բառերը բոլոր եփվում են քո Շնչում
• Եվ հոլվում են, որ դու՝ նրանց խորքով անցնես:


• Վերջից առաջ, Սեր իմ, Ալվող վերջից առաջ,
• Երբ Հավատն է մորթվում կատարյալի ծիրում,
• Պարուրում է ներսս մի Մահախում հառաչ,
• Քանզի վերջից առաջ, կրկին՝ քեզ եմ սիրում: