Դուք ասում եք
- Ասում եք դուք, - Չհավատաք երազներին:
- Ուրեմն կան Հոգիներ, որ երազներ են տեսնում տարբեր
- Եվ տեսածին Հավատում են:
- Ախր, ինչպե՞ս չհավատաս, երբ երազում ապրում ես այն, ինչ ապրում ես լույսի ներքո:
- Բարևում ես, երբ գտնում ես Անհրաժեշտ է.
- Նկատում ես, երբ հայացքդ բևեռվում է հնարավոր հաճույքների հնարաբեր հետքին,
- Այո, խոսք ես ասում, անվերջ բառեր, քանզի դեպքեր են կատարվում,
- Իսկ գործոններն ունեն Անուն: Անունն անգամ ունի անուն:
- Անուններ ես հնչյունների երամներով դուրս թռցնում քո հավաքած Գանձարանից,
- Որտեղ ուրիշ ոչինչ չկա, բացի տարբեր անուններից, որոնց հաճախ ասում ենք՝
- Բառ:
- Իսկ այդ բառերը շարելիս՝ Խոսք ասելիս կետադրում ես, ասում այնպես,
- Որ լսողը ով էլ լինի՝ բևեռանա հնչյունների նուրբ ուղղությամբ և նույն Տատանումներն զգա և նույն Անունների հանգույն կետադրվի:
- Մի այնպիսի խոսք եմ լսել իմ երազում, որ լսեիք՝ Հավատացեք կփրկվեիք, Կազատվեիք,- Ես եմ ասում՝ որ լսել եմ:
- Նա էր խոսում՝ Լուսավորը:
- Նրա խոսքը ուներ ճամփա, որ գնում էր և լսողին էլ տանում էր,
- Այնպես, որ ես չէի զգում և կարիքը կետադրության:
- Խոսքն Ասողը Հոգու համից էր խոսք ասում. Հոգու հօտից էր հոտ տալիս Ամէն Բառին և հեշտ ծիրով էին թռչում բառերը ինձ՝ դեպի Ներսս՝ ՆերանՁԱվըս:
- Եվ հանգիստ էր և հաճելի և վերջապես՝ անիրական, երազային և բնական՝ ՆերքնաՀնչուն և հարկ չկար կետադրության:
- Հոգին ինչպե՞ս կետադրես, Նոտագրես, Անունավոր ներկերի հետ
- Ներքին խառնես և անանուն քարերի մեջ Քանդակացնես՝ քանդես...
- Ինչը՞, Հոգի՞ն ․․․Ի սեր Ձեր ապրողաց,- Հոգուն միայն Ըմբռնում են՝ Հոգևորվում՝
- Հոգեդարձվում՝ Ետ են գալիս անգամ այնտեղ՝ երազներում:
- Իրականում ես տեսնում եմ, այն, ինչ տեսնում եմ երազում՝
- Տուն եմ տեսնում և տուն տանող ճանապարհներ և դու ես իմ ուղեկիցը՝
- Սրտակիցը, լավ դրկիցը, լավ ընկերը. տեղ ես հասցնում՝ հանգստացնում:
- Իրականում, թէ երազում Ես այստեղ եմ, այս նույն Կյանքում:
- Տեսնում եմ ես ծնվող օրը՝ Բարի Լույսը, իմ համովին՝ Համասիկին՝
- Այս Աշխարհին թեղված ամբողջ հարստությամբ՝ Համով, Հոտով և խոսքերով
- Եվ գործերով բարին բուրող և մեզ մահվան ճանկից հանող:
- Ու թէ տրվեր հնարավոր հնարք Հոգուս՝ Խոսք ասելու Աշխարհի Մեծ ականջի Մեջ՝
- Ես կասեՅի, - Հավատացեք Երազներին, Որ Բարի են․
- Բարին բարող, Բարին բուրող, բուրաստանող, Բարին Լուրող՝ Լրաբերող,
- Հնարավոր չարը ներող, Հավատ բերող, Հույսի Սերը ծիածանող երազներին:
- Եվ երազում և Լույսի մեջ մի՛ բռնվեք ճանապարհին, Դուք քայլեցեք
- Եվ ապրեցեք իրականը և երազը՝ բազում կյանքեր ապրեք անցման ճանապարհին,
- Որ դեպի տուն Լույս է տանում Հավերժօրեն:
- 2Յ․01.Ձ000 թ.