Քո թախծոտ աչքերը
- Ես իմ թափառ կյանքում լուռ պահեր եմ ապրել,
- Եղել եմ հուսահատ և հոգնած եմ եղել,
- Հայտնության պես հանկարծ ՝ խոցել են երգերը՝
- Շոյել են իմ սիրտը՝ քո Թախծոտ աչքերը:
- Ուրիշ է իմ վիշտը՝ խնդությունն ուրիշ է,
- Արցունքի պես ծանր՝ խոհը իմ Թավիշ է:
- Սիրտ ու Սեր եմ երգել, անցել եմ՝ Մահերը ,
- Իմ մեջ կայծարել են՝ քո Թախծոտ աչքերը:
- Ու՞մ են գովերգելու պահերն անցումների,
- Երբ Մարդու ողջ կյանքը՝ անկում է ու թերի․
- Լոկ մի բան է պահել, որ ապրի իմ սերը՝
- Բազմախորհուրդ ու խոր՝ քո Թախծոտ աչքերը: