Այնպես ուզում եմ

• Այնպես ուզում եմ, որ դու իմանաս,
• Որ ես քեզ գիտեմ և քեզ եմ հայտնում
• Իմ անձայն խոսքը․ մտքերս մաս-մաս,
• Եվ անվերջ ասում՝ չեմ հանգստանում։


• Այնպես ուզում եմ, որ դու, սիրելիս,
• Որին տենչում եմ տեսնել անընդհատ,
• Չհանդիմանես, աղ չտաս վերքիս,
• Տեսնելով դեմքս՝ հայացքս հուսահատ․


• Այնպես ուզում եմ քնքշանքդ զգալ,
• Գրգանք-վայելքդ վայելել լռին,
• Որ դու, սիրելիս, ուզես միանալ
• Իմ միայնության անհաս գաղտնիքին։


• Այնպես ուզում եմ անունդ ճվալ
• Որ խուլն էլ լսի, իմանա, հրճվի,
• Ուզենա ինձ պես քո ձայնը անսալ,
• Որ Հոգին ցնծա ու սիրտը լցվի․․․


• Այնպես ուզում եմ Աշխարհին հայտնել,
• Որ քանի դու կաս, մահից չսարսեն․
• Որ քո Հրաշքն է անհատնում սիրել,
• Ես քեզ սիրում եմ,- դառնան քեզ ասեն․


• Այնպես ուզում եմ սսկվել կողքիդ,
• Ու անսահմանի սահմաններն անցնել,
• Ուզում եմ, հոգիս, դեղ անել վերքիդ,
• Գլուխս սիրող քո գիրկը դնել․


• Այնպես ուզում եմ Աչքիդ մեջ նայել,
• Տեսնել անսահման Երկնի գանձերը՝
• Անեզրության մեջ Եզրեր որոնել,
• Հասկանալ՝ դու ես իմ կյանքի Տէրը,


• Այնպես ուզում եմ, որ դու իմ Տէրը,
• Երգես իմ Հոգում Քո սիրո երգը,-
• Այնպես ուզում եմ ապրել քո Սերը,
• Որ լինեմ ընդմիշտ ես քո տարերքը։


• Այնպես ուզում եմ․ ես այսպես ուզել,
• Այսպես, քեզ նման՝ անցավ ու անդավ,
• Ուզում եմ երգդ՝ երգել՝ քեզ հուզել
• Եվ իմանալ որ բերկրանքդ չանցավ․․․


• Այնպես ուզում եմ անունդ դաջել
• Ամեն սիրողի Ճակատի վրայ,
• Որ աչքը տեսնի թէ ում են խաչել,
• Ում են սիրո տեղ նվիրել յարա․․․


• Այնպես ուզում եմ,,,