Ձերն է ճշմարիտ Գանձը՝ Լույսը մարմնի
- Մի վախեցիր, փոքրիկ Հոտ, որովհետև Ձեր Հայրը հաճեց տալ Ձեզ Լույսը՝
- Արքայությունն Երկրի՝ Տեսողությունը, որ տեսնես Լույսը՝
- Աշխարհի գանձը և ասես, - Տեսնում եմ, Արքա եմ, ունեմ
- Ամենապստիկ միջատից սկսած մինչև անսահման հեռուներն Երկնի՝
- Ամենափոքրից ամենամեծը՝ Լուսատիտիկից՝ Լուսատու Արև:
- Ուստի և աչքն է ճրագը Մարմնի՝ Լույսը ընդունող լուսամուտը լայն:
- Երբ աչքն առողջ է՝ բազմերանգ Լույսը Ծիածանվում է Մարմնում տեսնողի
- Եվ նաապրում է Արքայությունը՝ վայելում գանձը անկողոպտելի, որ է աշխարհը:
- Իսկ եթե աչքըդ պղտոր է ինքնին կուրացած տենչից մարմնավոր գանձի՝
- Ինչքերի փայլից, կրքից մոլեգին՝ որքան է խավար քո ներսը՝ մթին:
- Արդ, եթե ներսդ խավար է արդեն, ապա խավարը որչափ՝ ավելի:
- Ամեն մի տեսնող, որ Լույսի մեջ է՝ լուսավորվում է և վկայում է,
- Որ լույսն է արդար և լուսավորելը գործն է արդարի:
- Ուստի և ոչ ոք ճրագ վառելով չի՛ դնում ծածուկ տեղ՝ աշտանակի տակ,
- Այլ՝ Բարձրում միայն, որ լույս ստանա տեսնողը՝ տեսնի և լուսավորվի և Հանգստանա և չվախենա:
- Գողի սիրտն է դող: Տեսնողը չունի վախենալու բան:
- Ամեն ինչ պարզ է լույսի տակ ցոլում և ակնհայտ է:
- Ումի՞ց, կամ ինչի՞ց վախենա Որդին՝ երկյուղի անմիտ, երբ ժառանգել է անբավ Գանձերը իր
- Հոր տերության՝ Հոգևոր Լույսը Լցված ամէն մի հյուլեյում Կաի,
- Ամէն քսակում ամենայն ինչքեր, Գոհություն գոյի, կարեկցանք ու Սեր՝
- Հանդեպ ծնողաց և եղբայրների:
- Ունե՞ք, հանեցե՛ք Ձեր քսակներից այդ Գանձերը Սուրբ: Վաճառեցե՛ք Ձեր Ինչքերը բոլոր և ողորմություն տվեք Ուզողին՝ ինչպես Ձեր Հայրը ձեզ տվեց:
- Եվ դուք կստանաք խինդը՝ Լույսը տվողի ՝ Զվարթությունը Հոգևոր երգի,
- Որ լույսն է արդար:
- Գանձեր մի դիզեք աշխարհի վրա, աշխարհի վրա Գողեր կան արթուն
- Եվ ցեց կա և ժանգ: Պատը կծակեն ՝ կտանեն առանց ամոթ զգալու ՝ կկրծեն Սուսփուս, կամ կքայքայեն այն, ինչ գիտեիք ամենաթանկը:
- Եվ ճշմարտությունն այս է, որ ասեմ և այսպես ասեմ.
- - Գանձեր դիզեցեք երկնքում հոգու և այն պահեցեք սերունդից սերունդ՝
- Երբեք չհնացող քսակների մեջ, որ է Ձեր Ոգու հիշողությունը՝
- Հատկապես Ձեզ համար, ուր չկան ցեց ու գող ՝ ապականություն, ժանգ ու ժանգահոտ Եվ պատը չեն ծակում:
- Կա՞ Հոգևոր պատ, հոգու քսակ կա՞, խնդրեմ, թող ծակեն՝ ծակեն ներս մտնեն, Ի՞նչ պիտի գողնան՝
- Գոհությու՞ն ու Սեր, Կրեկցանք ու Լու՞յս,
- Գթությու՞ն Հոգու,
- Թող մտնեն՝ Լուսանան:
- Արդ, այս էլ ասեմ, որ Ինքս էլ Լիանամ, - Ձեր սիրտն այնտեղ է, որտեղ Ձեր Գանձն է:
- Ճշմարիտ Գանձը թաղված է Լույսի մեջ և աչքը, ով զարմանք՝ չի տեսնում Խավարում ՝ տեսնում է Լույսի մեջ՝ ընդունում է Լույսը , որ Վերից է գալիս՝
- Ոչ երկրից՝ աշխարհից, այլ՝ ՀՕՐԻՑ:
- Եվ հարկավ բազմերանգվում է՝ կապում ծիածան,
- Գույն առ գույն զգում հաճախանքները Հայրական սրտի բաբախումների՝
- Արդար ու Բարի:
- Թէ քո մեջ եղած լույսը խավար է, Աչքդ փակված է մարմնավոր գանձի Վարագույրներով, ինչպե՞ս կնդունես լույսը բազմագույն,
- Մարմինդ չունի ընկալուչ Լույսի ՝ խավար է մթին...
- Ապա խավարում որչա՞փ է խավար:
- Ուստի մարմինը խավարնէ իջնում, իսկ Հոգու Աչքը, որ ընդունել է խորհուրդը Լույսի ՝ չի փակվում Մահվան տեսիլքի առաջ, չի մեռնում երբեք,
- Այլ շեփորում է իմաստն Ապրելու:
- Ինչ Հայրը Կամեցավ և կամենում եք, որ ուրիշները անեն Ձեզ համար՝ այդպես Էլ դուք արեք՝ Լույս տվեք քանի դեռ Աշխարհում եք, որպեսզի մնաք որպես Լուսատու: