Տու՛ր ինձի Տէ՛ր
- Տու՛ր ինձի Տէ՛ր՝
- Անմնացորդ նվիրվելու կարողություն
- Եվ սիրելու անցավ հնար,
- Մեկ ուրիշը լինելու կերպ,
- Այն ուրիշը, որ ես եմ միշտ, որպես օրվա ներկայություն,
- Որպես եղած եղելություն
- Եվ դեռ գալիք չգրված վեպ:
- Տու՛ր ինձի Տէր
- Շնորհները ներողամիտ գաղտնատեսի,
- Համբերանքը հավերժությունը հաշվողի
- Եվ չեղածին սպասողի,
- Այն տնտեսի, որ ճիշտ տեղին
- Բաժանում է հասած բերքը
- Եվ չի կորցնում առողջ Սերմը՝ մահվան գնով՝
- Հանուն գալիք ապրողների:
- Տու՛ր ինձի Տէ՛ր
- Երջանկությունը աննախանձ ադամորդու
- Եվ հրճվանքը հասկացող Հոր, Խոնարհ Որդու,
- Այն զավակի, որ միշտ ապրում է հոր կողքին
- Զավակներով շրջապատված
- Ի սեր Տիրոջ և հոլովում անվախճանի:
- Տվիր ինձ Տէր
- Հայ լինելու անգայթ Փառքը,
- Առաոտի Լույսը Արդար
- ԵՎ սիրելու Ոգին նշխար՝
- Թոռով- Ծոռով մեծ ճանապարհը կարճելու
- Եվ հասնելու եռքը անմար:
- Փառք քեզի Տէր,
- Քեզ նվիրում հայ արյունիդ երգն այս արդար,
- Խոսքն այս անկեղծ խոր հավատով երգված
- Ջանքով հանգստարար:
- Շվեցարիա. Սիգրիզվիլ 1999 թ․